သဵင်ႈတႃႉတင်းလွင်ႈၶွင်ႈၶမ်

မိူဝ်ႈယၢမ်းထူပ်းၺႃးတင်းလွင်ႈၶွင်ႈၶမ်ၼၼ်ႉ ႁဝ်းဢမ်ႇလူဝ်ႇလႆႈၸႂ်လဵၵ်ႉ။ ၽိူဝ်ႇတႃႉတေၸႂ် လဵၵ်ႉၸႂ်ၼွႆႉ ယူႇၼၼ်ႉ တႃႉၸႂ်ႉတၢင်းဝူၼ်ႉၶႆႈတေႁႃတၢင်းဢွၵ်ႇလွင်ႈၶွင်ႈၶမ်ၼၼ်ႉလႃႈ။ ၵူၼ်းၵေႃႉလႂ်ၵေႃႈ ပေႃးဝႃႈ ယင်းတိုၵ်ႉသူင်ၸႂ် သႂ်ႇၶေႃးတေႃႇလူၵ်ႈၶူင်းၵူၼ်းယူႇတႄ့ ဢမ်ႇယၢၼ်ၵၼ်တင်းလွင်ႈၶွင်ႈၶမ်လႆႈလႃးလႃး။ လွင်ႈပႅၵ်ႇပိူင်ၵၼ်ၼႂ်းၵႄႈၵူၼ်းမီးတၢင်းႁူႉလႄႈ ၵူၼ်းဢမ်ႇမီးတၢင်းႁူႉၼၼ်ႉ ဢမ်ႇဢိင်ၼိူဝ်လွင်ႈဝႃႈ ၶဝ် ထူပ်းလွင်ႈၶွင်ႈၶမ်ၸိူင်ႉၼင်ႇႁိုဝ်၊ မၼ်းဢိင်ၼိူဝ်ဝႃႈ ၶဝ်ႁဵတ်းႁိုဝ်ထူပ်းတေႃႇၵေႈလိတ်ႈလွင်ႈၶွင်ႈၶမ်ၸိူဝ်း ၼၼ်ႉၵွၺ်း။


ၽူႈပၢႆးဝူၼ်ႉၶပ်ႉ ၸၢဝ်းၵရိၵ်ႉဢၼ်ပဵၼ်သေႃးၶရႅတ်ႉတီးၼၼ်ႉ ၵႆႉၵႆႉၺႃးၵႂၢမ်းပွင်ႉၵႂမ်းၶင်း လႄႈ ၵႂၢမ်းမၢပ်ႇ ၼေးတီႈမေးမၼ်းဢၼ်ၸိုဝ်ႈလိုဝ်းၵွပ်ႈလွင်ႈၸႂ်လမ်ငၢႆႈၼၼ်ႉယူႇၵူႊဝၼ်း။

ဝၼ်းၼိူင်ႈ မၼ်းႁႂ်ႈမေးမၼ်းၶႂ်ႈ လၢတ်ႈသင်ပွၺ်ႇႁႂ်ႈလၢတ်ႈသေ ၸင်ႇၶိုၼ်းယွင်းယေႃးမေးမၼ်းဝႃႈ “ပေႃးၼိူင်း ၵၼ်တင်းဝၼ်းၵွၼ်ႇၸိုင် လၢႆး လၢတ်ႈလၢႆးၸႃသူ ၶိုၼ်ႈယႂ်ႇလႅၵ်ႈလၢႆႊမႃးတေ့” ၼႆ။ ၼႆ့ပဵၼ်လၢႆးဢၼ်ၽူႈ မီးပၢႆးႁူႉၶဝ် ၵေႈလိတ်ႈလွင်ႈမၢပ်ႇ ၼေး လူၺ်ႈလၢႆးႁုၼ်ႉၼူဝ်ၼၼ်ႉယဝ်ႉ။
ၵပ်းၵၢႆႇတင်း လွင်ႈတုၵ်ႉယၢၵ်ႈသေ ၼင်ႇႁိုဝ်တေႁႃတၢင်းဢွၵ်ႇလႆႈ လူၺ်ႈတၢင်းယုမ်ႈယႆႈၼၼ်ႉ ဢႅလ်း လႃးဝီးၶွၵ်ႉသ် တႅမ်ႈၼေတၢင်းႁၼ်မၼ်းၼၢင်းၼင်ႇပႃႈတႂ်ႈၼႆ့ယူႇ။
 “သင်ဝႃႈ ၸူဝ်ႊပၢၼ်ၼႆ့ လွင်ႈလႆမိူၼ် ၼင်ႇၽဵင်းၼိူင်ႈႁူဝ်
    တႃႇမီးတၢင်းမူၼ်ႊၼူဝ်ၼၼ်ႉ မၼ်းငၢႆႈၼႃႇ။
 ၵူၺ်းၵႃႊ သင်ဝႃႈၸူဝ်ႊပၢၼ် ၶိတ်းပူၵ်းလမ်ႇ မႃးၸိုင်
          ၽူႈတိုၵ်ႉမီးႁႅင်းယုမ်ႉလႆႈၼၼ်ႉ
ၵိုင်ႇထိူၵ်ႇလႆႈၸူဝ်ႊပၢၼ်ပဵၼ်ၵူၼ်းတေႉယဝ်ႉ။ လၢႆးထတ်းထိၼ် မၢၵ်ႇႁူဝ်ၸႂ်ၼၼ်ႉ ပဵၼ်တၢင်းတုၵ်ႉယၢၵ်ႈ
ၵၢၼ်ထတ်းထိၼ်ၼၼ်ႉ တိုၼ်းၵႆႉမႃးလူၺ်ႈတင်းၸူဝ်ႊပီႊ တၢင်းယုမ်ႉဢၼ်မီးၵႃႊ ၶၼ်
ထိုင်တီႈလူၵ်ႈလုမ်ႈၾႃႉထိုင်ပေႃးလႆႈယွင်ႈဢၢမ်းၼၼ်ႉပဵၼ်တၢင်းယုမ်ႉဢၼ်ႁိူဝ်ႈမႃးၼႂ်းၵႄႈၼမ်ႉတႃၼၼ်ႉၵွၺ်းယဝ်ႉ။”
ၶူးမေႃၸိုဝ်ႈလိုဝ်းဢၼ်ပဵၼ် ၸဝ်ႈဝွၵ်းၸၢဝ်းဢိၼ်းတီးယႂ်း ရႃႇပိၼ်ႊတႃႇရႃႊၼဵတ်ႉတၵူဝ်းၵေႃႈ ၵဵဝ်ႇၵပ်း လူၺ်ႈလွင်ႈထုၵ်ႇလီပၢၵ်ႇပႅတ်ႈ တၢင်းၵူဝ်လႄႈ တၢင်းမႆႈၸႂ်သေ သုတ်ႉသူၸူးႁႃလၢႆးၵေႈလိတ်ႈ လွင်ႈၶွင်ႈၶမ် ၼၼ်ႉ မၼ်းတႅမ်ႈပဵၼ်ဝွၵ်းဝႆ့ၼင်ႇဝႃႈ-

“ၵဝ်ၶႃႈ ဢမ်ႇယွၼ်းသူး ႁႂ်ႈႁႄႉၵင်ႈၶႃႈ ယၢၼ်တင်းၽေးၶဵၼ်ၵဝ်ၶႃႈ ယွၼ်းသူး ႁႂ်ႈထူပ်းတေႃႇလႆႈ တင်းၽေးၶဵၼ်ၸိူဝ်းၼၼ်ႉ
လူၺ်ႈဢမ်ႇမီးတၢင်းၵူဝ်ၵွၺ်း။
ၵဝ်ၶႃႈဢမ်ႇယွၼ်း ႁႂ်ႈယိုတ်းပၼ် တၢင်းၸဵပ်းသႅပ်ႇၶႃႈ
ၵဝ်ၶႃႈယွၼ်း မၢၵ်ႇႁူဝ်ၸႂ် ဢၼ်ၸၢင်ႊပေႉလႆႈတၢင်းၸဵပ်းသႅပ်ႇၸိူဝ်းၼၼ်ႉၵွၺ်း။
ၵဝ်ၶႃႈဢမ်ႇယွၼ်း ႁႂ်ႈလႆႈထုၵ်ႇၽူတ်ႇဢဝ် လူၺ်ႈတၢင်းမႆႈၸႂ်
ၵဝ်ႇၶႃႈယွၼ်း ႁႂ်ႈလႆႈတၢင်းလွတ်ႈလႅဝ်း လူၺ်ႈတၢင်းယိူၼ်ႉၵွၺ်း” ၼႆ။
ဝႆ့ဝႃႈလွင်ႈဢမ်ႇ သိူဝ်းၸႂ်သေၸိူဝ်ႉသေလွင်ႈ ၵိူတ်ႇပဵၼ်မႃးၼႆလႄႈ။ မိူၼ်ၼင်ႇဝႃႈ ၶူဝ်းၶွင်ဢၼ် ႁဝ်းလႆႈၸႂ် ဢမ်ႇၼၼ် ဢၼ်ႁဝ်းပိူင်ႇ သေဢၼ်ဢၼ် လူႉႁၢႆၵႂႃႇၼႆတူၺ်း။ လၢႆးတၢင်းတႃႇတေတုမ်ႉတွပ်ႇ တေႃႇ လွင်ႈလူႉႁၢႆၼၼ်ႉ မီးယူႇသွင်ယၢင်ႇ။ လၢႆးၼိူင်ႈ ပဵၼ်လၢႆးမၢပ်ႇၼေး တူဝ်ၵဝ်ႇ ဢမ်ႇၼၼ် ပိူၼ်ႈ တၢင်ႇၵေႃႉသေ ဝူၼ်ႉၸွမ်းလွင်ႈၼၼ်ႉယူႇတိၵ်းတိၵ်း၊ လၢႆးသွင် ပၢဝ်ႇလၢတ်ႈၸိူင်ႉၼင်ႇဝႃႈ “ၶူဝ်းၶွင်ၼၼ်ႉ ဢမ်ႇမီးယဝ်ႉ၊ လႆႈသုမ်းၶူဝ်းၶွင်ၼၼ်ႉၵႂႃႇၵေႃႈ ပဵၼ်လွင်ႈဢမ်ႇလီတေ့တေ့၊ ၵွပ်ႈသင် ၵဝ်သမ်ႉတေႉ ၵဵပ်း သိမ်းဝႆ့ လွင်ႈလူႉသုမ်း ဢၼ်တေႁဵတ်းႁႂ်ႈၵဝ်တုၵ်ႉယၢၵ်ႈလႄႈ ဢမ်ႇသိူဝ်းၸႂ်ၼၼ်ႉယူႇႁဵတ်းသင်” ၼႆသေၸၢင်ႊ လိုမ်းပႅတ်ႈလွင်ႈဢၼ်ၼၼ်ႉလႆႈယူႇ။